Sizda yangi ixtirolar uchun g‘oya bormi?

Demak, bu tanlov aynan siz uchun!

Tartib
Baholash mezoni

Tanlovning maqsadi

Sizni yangi g‘oyalar o‘ylab topishingizga va ijodiy fikrlash orqali texnologiyalar hamda ilm-fan sohasida o‘z loyihalaringizni yaratishga undaydi.

Atrof-muhitni yaxshilash, ta'lim jarayonlarini zamonaviylashtirish, axborot texnologiyalari va yashil energiya kabi muhim yo‘nalishlarda yangi loyihalar yaratish.

Shu orqali nafaqat o‘zingiz, balki jamiyat uchun ham foydali bo‘lgan innovatsion ixtirolarni kashf qilishingiz mumkin.

Shuningdek, tanlovda qatnashish orqali siz texnik ko‘nikmalaringizni oshirib, bilimlaringizni amalda qo‘llash imkoniyatiga ham ega bo‘lasiz.

Umumta’lim maktablarining
5-11-sinf o‘quvchilari ushbu tanlovda ishtirok etishlari mumkin

Siz tanlovda mustaqil o‘zingiz yoki jamoa (3 nafargacha) bo‘lib qatnashishingiz mumkin.

Tanlovda qatnashish uchun
nima qilish kerak?

Tanlovda ishtirok etish uchun siz eng avvalo ushbu saytda ro‘yxatdan o‘tishingiz zarur.

Yangi ixtirolar yaratishga qaratilgan go‘yaga ega bo‘lishingiz kerak

Ushbu g’oya asosida tayyorlagan loyihangiz ta’lim, axborot texnologiyalari, yashil energiya, ekologiya, iqlim o‘zgarishi, qishloq xo‘jaligi yo’nalishlarda bo’lishi kerak.

Agar siz tanlovda muvaffaqiyatli qatnashishni xohlasangiz tanlovning tartibi va baholash mezoni bilan albatta tanishib chiqing.

Tanlov qanday yo‘nalishlarda o‘tkaziladi?

Ta’lim yo‘nalishidagi loyihalar

Ta’lim yo‘nalishidagi loyihangizda

yangi ta'lim texnologiyalari va o‘quv jarayonlarini yaxshilashga qaratilgan ixtirolarni yaratishingiz kerak.

Bu loyiha:

-raqamli ta'lim platformalari;

-interaktiv darsliklar;

-sun'iy intellekt asosida o‘qitish va o‘quv jarayonini individuallashtirishga qaratilgan texnologiyalar bo‘lishi mumkin.

Namunaviy loyihalar:

Interaktiv o‘quv platformasi: Masalan, sun'iy intellekt asosida o‘quvchilarning bilim darajasiga qarab moslashtiriladigan o‘quv kurslari yaratish.

Virtual laboratoriya: Biologiya, fizika yoki kimyo fanlarida tajribalar o‘tkazish imkonini beruvchi virtual laboratoriya platformasini yaratish.

Axborot texnologiyalari yo‘nalishidagi loyihalar

Axborot texnologiyalari yo‘nalishidagi

dasturiy ta'minotlar, mobil ilovalar, sun'iy intellekt yoki kiberxavfsizlik bilan bog‘liq yangi yechimlar taklif qiladigan loyiha tayyorlashingiz kerak bo‘ladi.

Bu loyiha zamonaviy texnologiyalarga asoslanib, kundalik hayotdagi muammolarni hal etishga va yashash sharoitini yaxshilashga qaratilgan bo‘lishi lozim.

Namunaviy loyihalar:

Kiberxavfsizlik tizimi: Maktablar va ta'lim muassasalarida ma'lumotlarni himoyalash uchun kiberxavfsizlik algoritmlari va dasturlarini yaratish.

Shaxsiy yordamchi ilova: Kunlik reja asosida vazifalarni bajarish uchun mobil yordamchi yaratish (masalan, maktab o‘quvchilari uchun uy vazifalarini eslatish va rejalashtirish).

Yashil energiya yo‘nalishidagi loyihalar

Yashil energiya yo‘nalishidagi loyihangiz

ekologik toza, qayta tiklanuvchi energiya manbalari (quyosh panellari, shamol generatorlari va boshqalar) dan foydalanishni targ‘ib qiluvchi texnologiyalar yaratishga qaratilgan bo‘lishi kerak.

Bu loyiha:

-resurslarni tejash;
-energiya samaradorligini oshirish;
-ekologik tozalikni ta’minlovchi texnologiyalardan iborat bo‘lishi mumkin.

Namunaviy loyihalar:

Quyosh energiyasidan foydalanish tizimi: Masalan, uy yoki maktablarda foydalanish uchun quyosh batareyalari bilan ishlaydigan elektr tizimlari yaratish.

Energiya tejovchi yoritish tizimi: Maktab yoki binolarda elektrni tejash uchun avtomatik yoqiladigan va o‘chadigan LED yoritish tizimini yaratish.

Ekologiya yo‘nalishidagi loyihalar

Ekologiya yo‘nalishidagi loyihangizda

-atrof-muhitni himoya qilish; 
-chiqindilarni qayta ishlash;
-suv resurslarini tejash;
-havoni tozalash kabi ekologik muammolarni hal qilishga qaratilgan texnologiyalarni ishlab chiqishingiz kerak.

Bu loyiha orqali siz atrof-muhitga ijobiy ta’sir ko‘rsatishingiz, tabiatni asrashga hissa qo‘shishingiz va texnologiyalar yaratish orqali ekologik muammolarni hal qilishingiz mumkin.

Namunaviy loyihalar:

Chiqindilarni avtomatik ajratish tizimi: Plastik, qog‘oz va organik chiqindilarni avtomatik ravishda ajratish tizimini yaratish, bu chiqindilarni qayta ishlashni yengillashtiradi.

Havoni filtrlash tizimi: Shahar hududlaridagi havo sifatini yaxshilash uchun filtr tizimi yaratish, masalan, avtomobil gazlarini filtrlovchi qurilma.

Iqlim o‘zgarishi yo‘nalishidagi loyihalar

Iqlim o‘zgarishi yo‘nalishidagi loyihangizda

iqlim o‘zgarishi va global isish bilan bog‘liq muammolarni hal qiluvchi loyiha ishlab chiqishingiz kerak.

Bu loyiha:

iqlim o‘zgarishining ta'sirini kamaytirishi yoki oldini olishga xizmat qilishi kerak.

Namunaviy loyihalar:

Yashil devor loyihasi: Shahar hududlarida iqlimni yaxshilash maqsadida yashil o‘simliklardan devor yaratish, bu havo sifatini yaxshilash va issiqlikni kamaytirishga yordam beradi.

Ob-havoni monitoring qilish tizimi: Sun'iy intellekt asosida iqlim o‘zgarishlarini kuzatib boruvchi va yomon ob-havo sharoitlari haqida ogohlantiruvchi tizim yaratish.

Qishloq xo‘jaligi yo‘nalishidagi loyihalar

Qishloq xo‘jaligi yo’nalishidagi loyihangizda

hosildorlikni oshiruvchi, tabiiy resurslarni tejovchi va zamonaviy qishloq xo‘jaligi texnologiyalarini qo‘llashga qaratilgan texnologiyalarni ishlab chiqishingiz kerak.

Bu loyiha:

- yer unumdorligini oshirishga qaratilgan yechimlarni taklif qilishi;

- resurslarni samarali boshqarishga qaratilgan tizimlarni yaratishi;

- fermerlarga hosildorlik va mahsuldorlikni oshirishda innovatsion texnologiyalarni o‘z ichiga olgan bo‘lishi kerak.

Namunaviy loyihalar:

Avtomatlashtirilgan sug‘orish tizimi: Suv resurslarini tejash maqsadida ekin maydonlarini avtomatik sug‘orish tizimini ishlab chiqish.

Sun’iy intellekt asosida agrotexnika: Fermerlarga hosildorlikni oshirish uchun ekinlar holatini kuzatib boruvchi sun’iy intellekt tizimini yaratish.

Tanlov taqvimi

1-bosqich

Maktab bosqichi

2024-yilning 24-26-oktabr kunlari

2-bosqich

Tuman bosqichi

2024-yilning 12-13-14-dekabr kunlari

3-bosqich

Viloyat bosqichi

O‘quv yilining 3-choragi davomida

4-bosqich

Respublika bosqichi

O‘quv yilining 4-choragi davomida

Agar tanlovning Respublika bosqichida g‘olib bo‘lsangiz sizni nimalar kutmoqda?

30 million

SO’M MUKOFOT

20 million

SO’M MUKOFOT

10 million

SO’M MUKOFOT

Tanlovning Respublika bosqichida eng yaxshi deb topilgan

10 TA LOYIHA

amaliyotga tadbiq etish uchun moliyalashtiriladi

Tanlov yangiliklari
Uncategorized

Tanlovning birinchi bosqichi e’lon qilindi

2024-yilning 1-oktabridan boshlab, O‘zbekiston bo‘ylab “Ixtirochilikka qadam” tanlovining birinchi bosqichi rasman boshlandi. Bu bosqichda maktab o‘quvchilari ta’lim, axborot texnologiyalari, yashil energiya, ekologiya va qishloq xo‘jaligi

Batafsil »
01/10/2024
Uncategorized

Tanlov bo‘lib o‘tishi haqida e’lon

O‘zbekiston Respublikasi Prezidentining 2024-yil 1-apreldagi PF-55-sonli farmoniga muvofiq, har yili o‘tkaziladigan ‘Ixtirochilikka qadam’ tanlovi bu yil ham o‘tkaziladi. Tanlov o‘quvchilarning innovatsion g‘oyalarini rivojlantirishga va amaliy

Batafsil »
10/09/2024