Birinchi (maktab) bosqich uchun
baholash mezoni
Loyihaning mavzu va yo‘nalishga mosligi (1-15 ball)
Ushbu mezon bilan loyihangiz tanlov mavzusi bilan qanchalik mos kelishini baholaymiz. Agar loyihangiz dolzarb muammoni hal etsa va qiziqarli bo‘lsa, yuqori ball olasiz.
- 1-4 ball: Tayyorlagan loyihangiz mavzusi tanlov yo‘nalishlariga mos emas.
- 5-8 ball: Loyiha mavzusi tanlov yo‘nalishlariga qisman mos, lekin dolzarb masalalarni yetarli darajada qamrab olmagan.
- 9-12 ball: Loyiha mavzusi tanlov yo‘nalishlariga mos, ammo faqatgina umumiy masalalarni qamrab oladi.
- 13-15 ball: Loyiha mavzusi tanlov yo‘nalishlariga to‘liq mos, qiziqarli va dolzarb muammolarni hal qilishga qaratilgan.
Innovatsion va ijodiy yondashuv (1-20 ball)
Bu mezonda loyihangizda ijodiy fikrlash va yangi g‘oyalar qanchalik ishlatilganligini baholaymiz.
- 1-5 ball: Ijodiy yondashuv yo‘q, odatiy usullar ishlatilgan.
- 6-10 ball: Ijodiy fikrlagansiz, lekin yangi texnologiyalar yetarli emas.
- 11-15 ball: Ijodiy elementlar bor, ammo ko‘lami keng emas.
- 16-20 ball: Yuqori darajada ijodiy va innovatsion yondashuvlar qo‘llangan.
Taqdimotda loyihaning texnik jihatlari (amalga oshirish bosqichlari, ishlatiladigan xom-ashyolari)ni sifatli va batafsil yoritish (1-15 ball)
Loyihangizni taqdim etishdagi texnik jihatlar baholanadi. Taqdimotda loyihangizni amalga oshirish bosqichlarini, ishlatiladigan xom-ashyolarini yuqori darajada aniq va keng yoritilganligi sizga yuqori ball olib keladi.
- 1-4 ball: Texnik jihatdan sust yondashilgan yoki yarim tayyor loyiha, ko‘plab xatoliklar mavjud.
- 5-8 ball: Texnik ko‘nikmalar qisman namoyon bo‘lgan, ammo kichik xatolar bor.
- 9-12 ball: Amalga oshirish bosqichlarini sifatli yoritilgan, lekin ba’zi elementlar hisobga olinmagan.
- 13-15 ball: Mukammal va sifatli yoritilgan, amalga oshirish mexanizmi aniq ko‘rsatilgan.
Taqdimot va tushuntirish (1-30 ball)
Ushbu mezon asosida loyiha taqdimotining belgilangan talablar asosida sifatli va jozibador tayyorlanganligini hamda ishtirokchi tomonidan yaxshi tushuntirilishini baholaymiz. Bunda, loyihaning asosiy mazmunini sodda vа tushunarli tarzda yoritishingiz, savollarga aniq javob bеrа olishingiz hamda vaqt reglamentiga to‘liq rioya qilishingiz SIZGA yuqori ball olib keladi.
- 1-8 ball: Taqdimot talablar asosida tayyorlanmagan, ko‘rgazmali rasmlardan foydalanilmagan, loyiha mazmuni murakkab tushuntirildi.
- 9-16 ball: Taqdimot qisman talablar asosida tayyorlangan, loyiha to‘liq yoritilmadi, savollarga aniq javob berilmadi.
- 17-22 ball: Taqdimot belgilangan talablar va ko‘rgazmali rasmlar asosida tayyorlangan va loyihaning asosiy mazmunini yoritib bеrа Ammo savollarga javob berishda kichik xatoliklarga yo‘l qo‘ydi.
- 23-30 ball: Taqdimot belgilangan talablar va ko‘rgazmali rasmlar asosida tayyorlangan va loyihaning asosiy mazmunini to‘liq yoritib bеrа olgan. Barcha savollarga to‘liq va aniq javob berdi.
Loyihani amalga oshirishda kutilayotgan natijalar (1-20 ball)
Bu mezon asosida loyihangiz mavjud muammolarni hal qilishga, insonlarning yashash tarzini yaxshilashga qanday yordam berishini hamda texnik va iqtisodiy jihatdan amalga oshirish imkoni mavjudligini baholaymiz.
- 1-5 ball: Loyiha mavjud muаmmоlаrni hal qilishga yo‘naltirilmagan yoki kutilayotgan natijalar mavhum.
- 6-10 ball: Loyiha mavjud muammolarni qisman hal qilishga yo‘naltirilgan, аmmо loyiha texnik va iqtisodiy jihatdan amalga oshirilishi qiyin.
- 11-15 ball: Loyiha mavjud muammolarni hal qilishga yo‘naltirilgan, texnik va iqtisodiy jihatdan amalga oshirish mumkin, ammo mavjud shunga o‘xshash mahsulotlardan yetarlicha afzallikka ega emas.
- 16-20 ball: Loyiha mavjud muammolarni hal qiladi, amaliyotda qo‘llash imkoni bor va mavjud shunga o‘xshash mahsulotlardan afzalliklarga ega.