Tanlovda ishtirokchilar individual (yakka tartibda) yoki jamoaviy (3 nafardan ko‘p bo‘lmagan) ishtirok etishi mumkin.

Tanlov ishtirokchisi bitta loyiha bilan bir marta ro‘yxatdan o‘tadi. Boshqa loyihalar bilan tanlovda ishtirok etishga ruxsat etilmaydi.

Tanlovda ishtirok etish istagi bo‘lgan davlat va nodavlat ta’lim muassasalari 1-noyabrdan 5-noyabrga qadar onlayn ko‘rinishda ro‘yxatdan o‘tishlari talab etiladi.

Tanlov 4 bosqichdan iborat bo‘lib, 1-bosqich-maktab, 2-bosqich-tuman/shahar, 3-bosqich-viloyat hamda 4-bosqich-respublika bosqichi.

Tanlovning 1-bosqichi (maktab bosqichi) joriy yilning 20-31-oktabr kunlari bo‘lib o‘tadi.

Tanlovning 4-bosqichi (Respublika bosqichi)da g‘olib deb topilgan 3 ta loyiha pul mukofoti va esdalik sovg‘alari bilan taqdirlanadi. Bundan tashqari 4-bosqichda eng yuqori ball olgan 10 ta loyiha amaliyotga tadbiq etish uchun moliyalashtirish imkonini qo‘lga kiritadi.